ته

البوصادية،،،الأنصادية،،،

كلمات الأديب الأنصاري سيدي الخير الناتي،،

"النص"،،

ملان يلحي المنان@ اتعمر قبيله لنصار
لتقياي البيهم يمتان@ الدين أتتنور لفكار،،
إدبوسات أخيارأعيان@ قبايل ذرية قحطان،،
معناه؟عربان العربان@ لنصار المافيهم شكشار!!! 
بل أمنين اتفوع لحسان@ والنخوة والدين وليثار
وامدحهم ربى ف القرءان@ واخترهم رسول جوار
واجعل عزتهم من ليمان@ ولايكرهم يكون احمار؟!!
منافق دارك فالبهتان @ ولافيه امن المله لقيار؟!!
وابطال أصناديد أفرسان@ مزال اليحارب كفار
كانوفول جند الرحمن @ كل انهار أفتحو لمصار
واكبيله ماتعرف تليان@ فالحرب ألا تعرف لعذار 
والواجه يرجع عجلان @ يوم الزحف إروق الفرار 
واحن هوم ساس وكيان@ دولة لسلام اعل مدار 
التاريخ الدني بيظان @ والتاريخ إدور ينثار؟!!!
واكتن عاد القتال اتبان@ اخلعن بين اهل الدار 
فيه اتظل النيران اكران@ والبارود إكور تكوار 
بين المسلمين القليان@ اعل ملت ناكه واحوار 
واعلى برزه وعل معطان@ واشويت م واشوي اخظار؟!!!!
تركو عنهم ذاك الميدان@ واختارو للواح ألذكار 
والتكرار أرفع لذان @ والزهد الزين ألستغفار
واسوى عند الغافل تشيان@ والجاهل يحسب هاذ عار؟!!!
احن مانمشو ف البهتان@ أرواح ادبوسات اكبار 
ماهى لعبه فايد الشيطان@ يتلاعب بيه كل انهار
وورده ورد النيزان @ وروحه دار البوار؟!!
والكال انذ شان اهل الشان @ كلولو عنذاك الخسار 
مسلمين إسلو سيفان @ الكاتل والميت ف النار 
غير الص وجرو يحسان @ والعربان وجميع احرار
موريتانى بيظ أسدان @ نسعاو افلمن الستقرار
دوله مبني فوك أركان @ قوي ماه شي ينهار 
ونعود جنود السبحان @ ماهم حراس اللستعمار؟
وعود الصراع افميدان@ دار الحرب أمبين الكفار
والمسلمين الحال الكان@ ماه حال اخلعن صار
فيه اتظل الركبه تسان @ والدم اهذلي والدمار
بين اخوت الدين أليمان@ واخوت القرابه والجار!!! 
ساعته لين اتراو انسان @ من ماه قايدمغوار 
احن ماخللان قحطان@ ولاننتسبو كاع اللنصار؟!!
غير إلى تم الشنآن @ ألا بينات المسلمين أشظار 
مده ماحظرت ف العدوان@ والفتن واخصارت لخبار؟
يكون انه صبحت عنوان @ للحكمه والسلم ألعمار ؟!!
وامصلى وامسلم بالسان@ وافكار اعل سيد البشار
محمد نوارة لكوان @ لمسمين نحن لنصار 
أخيار اللي خل عدنان @ واخيار اللى خل نزار... 

 

وصل الله على سيدنا محمد وعلى آله وصحبه اجمعين.